Rydym yn falch o fod yn cyflwyno ffilmiau gan yr artistiaid Megan Arnold a Penny Hallas, Andrew Maize a Jessica Lerner, Euros Rowlands a Tricia Enns fel rhan o’n prosiect Ail-fframio’r Gorffennol >> Dyfodol sy’n Datblygu yn IF 2022, dathliad 24 awr o gelfyddydau byrfyfyr yn dechrau ar Awst 26. Mae’r ŵyl yn cynnwys cyfres o 150+ o artistiaid anhygoel o bob disgyblaeth artistig o bob cwr o’r byd, yn perfformio gweithiau newydd, byrfyfyr ar y thema “Byrfyfyrio yn Nhrawsnewid.” I ddysgu mwy am yr ŵyl, gweld y rhestr o artistiaid, a dod o hyd i’ch amser cychwyn lleol, ewch i wefan IF 2022. Allwn ni ddim aros i’ch gweld chi yno!
Roedd y ddau rifyn cyntaf — IF 2020 ac IF 2021 — yn ddathliadau digidol 24 awr o wneud celf byrbwyll a oedd yn arddangos gweithiau byrfyfyrol newydd gan gannoedd o berfformwyr, yn hanu o 25+ o wledydd, yn ymarfer ar draws pob disgyblaeth: cerddoriaeth, dawns, theatr, barddoniaeth, celfyddydau gweledol, a mwy. Trwy ffrwd fideo byw digidol a darllediadau radio rhyngwladol ar yr un pryd, llwyddodd ein Gŵyl i gyrraedd miloedd o fynychwyr o 55+ o wledydd. Trwy gydweithio â dwsinau o sefydliadau celfyddydol anhygoel, gwyliau, gorsafoedd radio, a phartneriaid cymunedol eraill ledled y byd, llwyddodd IF i ddod â phocedi arbenigol o gymuned o bob rhan o’r byd at ei gilydd, gan greu portread pryfoclyd, byrhoedlog o wneud celf yn ystod y pandemig. .
Ni allwn aros eich gweld yn IF 2022—24 awr gyfan, gan ddechrau am 7yh (ET) Awst 26ain neu 1yb (amser y DU) Awst 27ain
dolen: http://improvfest.ca/about/
Am Ail-fframio’r Gorffennol>>Dyfodol sy’n Datblygu
Comisiynodd oriel elysium mewn partneriaeth â Sefydliad Rhyngwladol Astudiaethau Beirniadol mewn Byrfyfyr (IICSI) 6 artist o Ganada a Chymru i gydweithio, gan ddatblygu strategaethau traws-Iwerydd i greu gwaith newydd beirniadol ac arbrofol ar-lein. Trwy gyfres o drafodaethau artistiaid ar-lein misol, fe wnaethom greu llwyfan arloesol ar gyfer eu cydweithrediadau creadigol a esblygodd i ddatblygu’r ffilmiau arbrofol byr hyn a oedd yn y pen draw yn rhan o gyfraniad Elysium i Ŵyl Byrfyfyr IF IICSI yn 2022.
Mae hanes yn endid sy’n newid yn gyson, sy’n gofyn am drafodaeth ac ailwerthusiad cyson i adlewyrchu ein hagweddau esblygol a fframio ein hamgylchiadau presennol yn well. Roedd y prosiect arbrofol hwn yn paru artistiaid yn bwrpasol ag ymagweddau hollol gyferbyn i’w harferion celf i ysgogi trafodaethau creadigol ac esthetig sy’n archwilio perthnasoedd traws-Iwerydd â hanes, pŵer, a phobl.
Nod y prosiect peilot hwn yw cryfhau lleisiau artistiaid, ysbrydoli, a dylanwadu ar gydweithio cenedlaethol a rhyngwladol, a chynhyrchu fforwm i drafod a wynebu hanesion anodd ein cenhedloedd sydd wedi’i phlethu, ac i greu dyfodolau gwell.
Nid yw’r ffilmiau hyn yn erthyglau gorffenedig caboledig o gwbl, ond yn debycach i ddarnau o syniadau ac arbrofion.
Diolch yn fawr i’n partneriaid yr IICSI, ein cyllidwyr Celfyddydau Rhyngwladol Cymru a Chyngor Celfyddydau Cymru, yr artistiaid a’u mentoriaid Daniel Trivedy, Stephen Donnelly a Jonathan Powell.
Am yr artistiaid:
Mae Megan Arnold yn artist amlddisgyblaethol Ffilipinx-Canada sydd ar hyn o bryd yn dilyn MFA gyda ffocws ar berfformiad ym Mhrifysgol Guelph. Mae ei gwaith yn archwilio tensiynau rhwng hiwmor/pathos, celf/adloniant, a ffantasi/realiti. Karaoke yw hoff weithgaredd Megan.
@hieronymusbinch
Penny Hallas
Tra bod arlunio wrth raidd fy ymarfer, rydw i’n defnyddio fideo, paentio, ffotograffiaeth ac elfennau cerflunol, yn aml ar ffurf gwrthrychau a ddarganfuwyd. Mae dulliau cydweithredol yn rhan annatod o’m hymarfer, yn enwedig gyda pherfformwyr: Rydw i’n croesawi’r aflonyddu, her a chyfoethogiad amryw o safbwyntiau.
@pennyhallas
Mae Andrew Maize yn artist y mae ei ymarfer chwareus a throellog yn tynnu ar iaith, perthnasoedd a thechnoleg fel catalyddion ar gyfer drafodaethau. Ar hyn o bryd mae’n darllen Nan Sheppherd, yn hyfforddi i fod yn weithiwr post ac yn rhwbio ei lygad chwith gyda’r llaw sych o’r un ochr.
@a.corn.inc
Tricia Enns
Rwy’n ymchwilydd, dylunydd, hwylusydd, crëwr, artist a pherfformiwr. Ar hyn o bryd rwy’n creu gwaith cyfranogol sy’n defnyddio creu papur, gweddillion, creu lleoedd, darlunio a a pherfformadwriaeth i archwilio ffyrdd newydd o ddeall ein perthynasau gyda gofodau trefol. Ar hyn o bryd rwy’n chwilfrydig am y pwynt(iau) o groestoriad rhwng creu lle, dweud storïau, ac ein detritws anghofedig.”
@triciaenns
Euros Rowlands
Mae fy ymarfer yn archwilio’r haenau a’r deuoliaeth sy’n bodoli yn ein perthynas ag eraill a gyda’n hunain. Crëir y gweithiau hyn trwy gyfuniad o baent, ffotograffau, cylchgronau, a hysbysebion, ac maent yn ceisio uno elfennau gwahanol yn gyfanwaith sydd ag atseiniau emosiynol a deallusol. Mae gen i ddiddordeb ym mhroses y cof, o’r ffordd mae cofio, anghofio, a dychmygu, yn cyfuno i greu adlais gweledol o’r hyn a oedd efallai unwaith. Nid yw’r gweithiau’n cyfeirio at atgof penodol, ond yn hytrach yn ymgais i ennyn y teimlad o goffadwriaeth annelwig a lleihaol.
Jessica Lerner
Rwy’n defnyddio symudiad fel deunydd cerfluniol sy’n cydnabod fy hunaniaeth ac ymdeimlad o ddychymyg ymgorfforedig fel menyw.
Trwy fapio fy nhirwedd fewnol ar yr un pryd mewn cysylltiad â’r gofod allanol, yn fy ymarfer symudiad, rwy’n creu senarios emosiynol ac yn chwarae mas cysylltiadau swrrealaidd. Trwy ymateb i’r hyn sy’n bresennol yn y foment, rwy’n tynnu tirweddau dychmygus sydd wedi’u seilio mewn manylion y corff.
Am y ffilmiau
Tricia Enns & Euros Rowlands
‘Through/ Flow’ / ‘Llif/ Trwy’ yw canlyniad chwe mis o gydweithio rhyngof i a Tricia Enns. Mae Tricia yn artist sydd wedi’i lleoli ym Montreal, y mae ei phrif ffocws yn ymwneud â’r rhyngweithio rhyngom ni fel unigolion a’r mannau cyhoeddus yr ydym yn byw ynddynt ac yn eu rhannu fel cydbreswylwyr cyfartal ag eraill. Gan weithio o bell gyda Tricia trwy gyfarfodydd WhatsApp a Zoom, fe wnaethom adeiladu llyfrgell o ddelweddau, ffilm, a recordiadau maes sain o amgylch Abertawe a Montreal, yn seiliedig i ddechrau ar y cysyniad o fyw mewn dinasoedd sy’n “swyddogol” ddwyieithog, a’r arwyddocâd hanesyddol a chymdeithasol sy’n gysylltiedig â theitl o’r fath. Rwyf wastad wedi bod â diddordeb yn y gweddillion a’r darnau a adawyd ar ôl dros amser, ond gwnaeth fy sgyrsiau, yn weledol ac yn rhithwir â Tricia, fi’n fwy ymwybodol o’r brys o weld harddwch yr hyn sydd o’n cwmpas yn y presennol, boed yn y llawenydd o wir glywed y synau bob dydd a gymerwn yn ganiataol mewn dinas glan môr, neu harddwch cyffyrddol a chyfansoddiadol waliau sydd wedi’u cuddio yng Nglandŵr neu bob cornel arall o’r ddinas hon, neu unrhyw ddinas arall. Esblygodd rhai themâu dros amser – dŵr, gweddillion, ffabrig, carreg, iaith, cân, yr edeifion nas gwelwyd ac nas clywyd yn rhedeg drwyddo. Penderfynon ni ar broses derfynol o’r ddau ohonom yn gweithio gyda ffilm weledol y llall, ac mae cyd-destun y broses hon yn tarddu o chwarae Tricia gydag agor darnau o ffilm mewn gwahanol ffenestri ar ei chyfrifiadur a jyglo delweddau i weld a fyddai naratif gweledol yn datblygu. Yn ystod y broses hon, cefais fy hun yn chwarae trwy frwydr gyfansoddi fel y byddwn wrth weithio ar waith celf mwy corfforol, a drafodwyd eto wrth i ni symud tuag at gwblhau’r ffilm. Er bod y sgyrsiau hyn yn agored ac archwiliadol, daeth ag undod yn y broses derfynol, wedi’i dynnu o werthfawrogiad di-lais o’r hyn yr ydym wedi’i ddysgu gan ein gilydd. Yr hyn sydd gennym, yn y diwedd, yw taith gerdded, gwrando, archwiliad o straeon cudd, harddwch cudd, ac eiddilwch, y ddwy ddinas hyn, wedi’u dadadeiladu heb gysylltiad ac wedi’u hailosod trwy ddealltwriaeth ac empathi.
Jessica Lerner & Andrew Maize
A room but one mirror / ystafell ond un drych yw’r broses o ddod o hyd i fan cyfarfod rhithwir rhwng disgyblaethau Andrew a Jess o arlunio cinetig a pherfformiad o ymatebion dilys i’r corff a’r amgylchedd. Trwy gydol eu cydweithrediad, datblygon nhw ddiwylliant o ofal a myfyrio o fewn sesiynau byrfyfyr bob yn ail wythnos. Gan ganolbwyntio ar chwarae ac arbrofi, buont yn gweithio mewn ffordd organig o fewn y ffenomen diweddar o Zoom, gan gofleidio trafferthion a gosodiad amser/gofod fel rhan gynhenid o stori a chyfansoddiad y gwaith.
Penny Hallas & Megan Arnold
The Future of the Universe / Dyfodol y Bydysawd yw fideo 5 munud wedi’i ysbrydoli gan karaoke, wedi’i greu gan Megan Arnold a Penny Hallas. Tyfodd ein partneriaeth greadigol Canada/ Cymru allan o gomisiwn i wneud gwaith newydd arbrofol fel rhan o brosiect digidol/ ar-lein a gynhaliwyd gan Oriel Elysium, Abertawe, Cymru a’r Sefydliad Rhyngwladol Astudiaethau Beirniadol mewn Byrfyfyr (IICSI) yng Nghanada. Mae’n cael ei ddangos fel rhan o gyfraniad Oriel Elysium i Ŵyl Byrfyfyr IICSI 2022. Roedd y prosiect yn ein gwahodd i ail-fframio’r gorffennol a dychmygu dyfodol newydd. Roedd Megan yn dechrau o’i harchwiliadau o hiwmor, slapstic, perfformiad a sêr-ddewiniaeth a Penny o’i harsylwadau a’i dehongliadau o’r ffordd y mae pŵer a hierarchaethau wedi’u gosod yn y wlad. Gyda’n gilydd buom yn meddwl am syniadau o ragoriaeth a rhyddid, a’r posibiliadau o dorri trwy a thu hwnt i sianeli disgwyliedig, yn bersonol ac yn gymdeithasol. Gyda chyd-ddiddordeb mewn chwarae, damweiniau a risg yn rhan annatod o’r broses greadigol fe ddechreuon ni rannu arbrofion gweledol heb unrhyw syniad o ble y gallent ein harwain. Yn raddol dros chwe mis y prosiect, cyfunodd y deunydd gweledol a chrynhoi i’r fideo 5 munud, a osodwyd i gerddoriaeth Megan ynghyd â geiriau a gododd yn ystod ein trafodaethau a’n cyfnewidiadau. Heb gael ei bortreadu’n glir, mae digwyddiadau rhyngwladol dros gyfnod y bartneriaeth yn cael eu hymgorffori yn y gwaith, fel ei fod, i ni, yn adlewyrchu profiadau neu themâu byd-eang yn ogystal â rhai hynod bersonol, sy’n cael eu chwarae allan mewn arena ryngalaethol ddychmygol (ond efallai gweledigaethol?)