Mae Oriel Elysium a Gwyl Peintio Beep yn falch o fod yn bartner gyda Phreswylfa Artistiaid Freeman (FAR).
Wedi’i sefydlu ym mis Medi 2020 gan yr artist gweledol Cymreig ac Athro Cynorthwyol mewn Celf Stiwdio UVa, Neal Rock, mae FAR wedi’i enwi ar ôl y peintiwr a’r addysgwr o Gymru, Michael Freeman, a fu’n mentora Rock yn ystod ei flynyddoedd ffurfiannol yn Ne Cymru. Cafodd addysgu Freeman, a ariannwyd gan WEA Cymru (Cymdeithas Addysg y Gweithwyr Cymru), effaith ar gymunedau yr oedd eu mynediad i’r celfyddydau gweledol wedi’i gyfyngu gan amodau economaidd-gymdeithasol eu cyfnod. Mae FAR yn anrhydeddu bywyd a gwaith Freeman trwy gynnig y rhodd o amser a gofod i artistiaid ar gyfnod cynnar yn eu gyrfaoedd. Mae cenhadaeth FAR yn cyd-fynd â gwerthoedd sefydlu WEA Cymru – hwyluso mynediad a thegwch diwylliannol – drwy roi blaenoriaeth i artistiaid BIPoC, LHDT+ a graddedig coleg cenhedlaeth gyntaf.
Mae FAR yn rhaglen breswyl i artistiaid sydd wedi’i lleoli yn Charlottesville, Virginia, sy’n darparu gofod stiwdio, tậl deunyddiau, arddangosfa diwedd cyfnod preswyl a mentoriaeth i beintwyr ar gyfnod ffurfiannol yn eu gyrfaoedd.
Tachwedd 2023
I gychwyn y bartneriaeth yn ddiweddar fe wnaethom sicrhau cyllid gan Gelfyddydau Rhyngwladol Cymru ar gyfer dau beintiwr o Gymru – Dylan Williams a Lucia Jones sydd wedi treulio Tachwedd 2023 yn Charlottesville yn gwneud gwaith gan arwain at arddangosfa yn Oriel Visible Records. Ym mis Mawrth 2024 bydd dau artist o’r Unol Daleithiau, Vibha Vijay a Virginia Gibson, yn teithio i Abertawe ac yn dechrau preswylio yn stiwdios oriel elysium.
Bydd yr holl artistiaid preswyl yn ymddangos mewn arddangosfa ar ddiwedd 2024 fel rhan o Ŵyl Peintio Beep.
Delwedd: Dylan Williams, Henry Skerritt, Lucia Jones a Neal Rock yn y ragolwg diweddar yn Oriel Visible Records yn Charlottesville, UDA.
Mawrth 2023
Croesawn yr artistiaid o’r Unol Daleithiau, Virginia Gibson a Vibha Vijay i Gymru!
Mae’r ddau artist drosodd yn Abertawe drwy gydol mis Mawrth 2024 fel rhan o gyfnewidfa artistiaid Oriel Elysium a Phreswylfa Freeman. Cyn y Nadolig anfonwyd yr artistiaid o Gymru, Dylan Williams a Lucia Jones, draw i Oriel Visible Records yn Charlottesville lle buont yn treulio mis yn gwneud gwaith a rhwydweithio. Bydd Virginia a Vibha yn treulio’r mis nesaf yn stiwdios Elysium yn gwneud gwaith ac yn crwydro De Cymru.
Am yr artistiaid:
Mae Virginia Gibson (hi/nhw) yn artist sydd wedi’i leoli yn Nhraeth Virginia, Virginia. Graddiodd o’r UVA yn 2022 gyda Baglor mewn Celf Stiwdio ac Archaeoleg. Mae hi’n creu gweithiau sy’n llestri sydd i fod i fynegi addasiadau ymddygiadol sy’n deillio o’r reddf goroesi er mwyn gwneud synnwyr o gymhlethdodau’r byd. Mae Virginia yn tynnu o brofiadau bywyd sy’n cynnal sgyrsiau o amgylch drawma. Trwy ei hymarfer creadigol, mae’n dod â’r newidiadau sylfaenol yn y corff a’r meddwl i’r amlwg fel modd i ddeall pwyntiau dioddefaint. Mae Virginia yn gweithio mewn cyfryngau peintio, gwneud printiau a cherflunio. Defnyddir yr ymarferion hyn fel ffyrdd o gydnabod realiti’r corff a’r meddwl ar ôl trawma. Mae gwahanol ddimensiynau perfeddol y corff, a bodolaeth grebachlyd y dychymyg yn y meddwl, yn allweddol i ddatgloi potensial iachâd a bod yn gyfrifol am fywyd ac iechyd eich hun.
Mae hi’n defnyddio ffurfiau greddfol ac amgylcheddau wedi’u meithrin er mwyn cyfleu teimladau, emosiynau, ymddangosiadau corfforol, ac ecoleg cyffredinol ei bywyd bob dydd sy’n anodd ei gyfleu. Mae gan ymarfer Virginia nod i ddadlau dros sgyrsiau agored am brofiadau trawmatig.
Mae hi’n credu bod y sgyrsiau hyn yn angenrheidiol er mwyn gwella’n hunain gorffennol a phresennol, tra hefyd yn annog ei chymunedau i gymryd eu bywydau yn ôl wedi’u dwyn oddi arnyn nhw trwy boen ac ofn.
Mae Vibha Vijay (nhw) yn artist sy’n gweithio yn Charlottesville, VA ac wedi graddio’n ddiweddar o UVA gyda gradd mewn Celf Stiwdio a phwnc atodol mewn Gwyddor Data. Mae eu gwaith yn canolbwyntio ar y tensiwn rhwng awydd a materoldeb corfforol, boed yn gyfrwng ffibr neu blastig neu wallt. Mae Vijay yn ceisio beirniadu ac archwilio ffiniau mynediad a ffurfioldeb gwrthrychau celf oherwydd eu diddordeb eu hunain mewn casglu ac arddangos. Mae eu gwaith yn symud tuag at roi bywyd i wrthrychau y tu hwnt i’w cyrraedd personol, ac archwilio eu treftadaeth ddiwylliannol trwy lens rhyngweithio cynulleidfa.
Mae cyfnewidfa artistiaid preswyl Freeman/ Oriel Elysium yn brosiect parhaus sydd â’r nod o gynnig rhodd o amser a gofod i artistiaid ar gam cynnar yn eu gyrfaoedd a rhoi blaenoriaeth i BIPoC, LHDT+ ac artistiaid graddedig coleg genhedlaeth gyntaf.
Delwedd: Vibha Vijay, Virginia Gibson, Dylan Williams, Henry Skerritt, Lucia Jones a Neal Rock yn y ragolwg diweddar yn Oriel Visible Records yn Charlottesville, UDA.
