Daniel Gower: Prin eu Gweld (Y Trothwyol a’r Swrreal)
10/04/26 – 16/05/26
Mae Daniel Gower yn artist, cerddor, bardd ac awdur sy’n byw yn Abertawe. Mae ganddo MA mewn Celfyddyd Gain o Brifysgol y Drindod Dewi Sant. Ei brif gyfryngau artistig yw acrylig, gouache, a dyfrliwiau, er ei fod hefyd wedi arbrofi gyda ffurfiau eraill gan gynnwys darlunio, siarcol, braslunio, celf ddigidol, a phensil.
Mae’n gweithio bob dydd i greu ym mha bynnag ffordd sy’n bosibl ac mae wedi datblygu corff helaeth o waith. Ei nod yw parhau i greu wrth arbrofi hefyd gyda gwahanol ffurfiau o gyfryngau a mynegiant.
Mae gweithgareddau creadigol eraill yn cynnwys creu a chynhyrchu cerddoriaeth, ysgrifennu nofelau a straeon byrion, a chyfansoddi barddoniaeth.
Thema’r arddangosfa hon yw y pethau anaml y gwelir, gan ymgorffori’r trothwyol a’r swrreal. Mae’r agweddau trothwyol yn archwilio eiliadau bywyd sydd fel arfer yn cael eu hanwybyddu – golygfeydd a welir am eiliad o gar sy’n mynd heibio, tirweddau sy’n ymddangos yn wag, ac amgylcheddau sy’n bodoli mewn cyflwr tawel, . Roedd estheteg gofod trothwyol yn ysbrydoliaeth fawr ar gyfer y darnau tirwedd, ochr yn ochr â’r syniad o ddarlunio lleoedd y gallai rhywun deithio iddynt er mwyn dod o hyd i heddwch.
Mae’r darnau swrrealaidd yn yr arddangosfa yn canolbwyntio ar agweddau emosiynol, metafforig, comig, greddfol ac ontolegol y byd mewnol. Mae’r gweithiau hyn yn cynnwys afluniadau ac ail-ddehongliadau o’r ffurf ddynol, creu fflora nad yw’n bodoli yn y byd naturiol, a chyfuniadau Dadaist o ffurfiau bywyd byw ac anfyw.
Mae’r ddau bwnc hyn wedi’u cyfuno oherwydd eu bod yn rhannu rhinweddau cynhenid: gwyriad o’r cyfarwydd, awyrgylch rhyfedd, a’r agoredrwydd sy’n caniatáu i wylwyr ffurfio dehongliadau lluosog o’r gweithiau.
Mae Daniel hefyd yn aelod o gymuned stiwdios artistiaid oriel elysium.
Rhagolwg: Dydd Gwener Ebrill 10, 7yh
Oriel ar agor Dydd Mercher – Sadwrn 11yb – 6yh